AIK SAFAY KI BADSHAHIYAT Author NAJAM SETHI

AIK SAFAY KI BADSHAHIYAT Author NAJAM SETHI

یہ عمران خان کے  2018-2022کے دور حکومت میں پیش آنے والے واقعات کا مفصل، مرحلہ وار بیان ہے۔ وہ دور جب وعدے تو بہت بلند و بانگ کیے گئے لیکن ان پر عمل درآمد کہیں ہوتا دکھائی نہ دیا۔

”عمران خان کی کہانی“کا آغاز 2011 میں ہوا جب پاکستان کی اسٹبلشمنٹ نے دودہائیوں سے زیادہ عرصے سے باریاں لینے والی بھٹو اور شریف کی خاندانی حکومتوں کا کوئی سیاسی متبادل تیار کرنے کاارادہ کیا۔ 2014 میں فوج نے عمران کو ”پنتیس پنکچر“ لگانے کا بیانیہ اچھالنے پر اکسایا، جو2013 کے انتخابات کو مبینہ طور پر ”چرانے“ کا حوالہ ہے،ا ور وہ انتخابات نواز شریف کو اقتدار میں لائے تھے۔  مختلف لانگ مارچوں اور دھرنوں نے شریف حکومت کوعدم استحکام سے دوچار کیے رکھا تو اسٹبلشمنٹ نے چیف جسٹس ثاقب نثار اور آصف کھوسہ کی قیادت میں سپریم کورٹ سے نواز شریف کو اقتدار سے نکال باہر کروایا۔ اس کا نقطہ عروج 2018   کے انتخابات تھے جن میں عمران خان کو اقتدار میں پہنچانے کے لیے کھل کر دھاندلی کی گئی۔

 یہ کتاب عمران کے عروج و زوال کا احاطہ کرتی ہے جس کا آغاز 2021 ء میں وزیراعظم عمران خان اور آرمی چیف قمر جاوید باجوہ کے درمیان مضبوط شراکت داری کے ”ایک صفحے“ کے بیانیے، سے لے کر اس وقت تک جب یہی ڈاکٹرائن فوج اور اس کے سربراہ کے لیے انتہائی شرمندگی کا باعث بن جانے پر ترک کردیا گیا۔

 عمران کی نرگسی سیاست کے تانے بانے کے پیچھے دو جرنیلوں کی بے رحم خواہش کارفرما تھی، جن میں سے ایک مدت ملازمت میں توسیع (آرمی چیف جنرل باجوہ) جب کہ دوسرا  (ڈی جی آئی ایس آئی جنرل فیض حمید)آرمی چیف کے عہدے پر ترقی چاہتا تھا۔ ہوا یوں کہ یہ ٹولہ اپنے مقاصد حاصل کرنے کے لیے نظام کے ساتھ مزید کھلواڑ نہ کر سکا۔

 یہ کتاب 2021 کے موسم گرما میں جنرل فیض حمید کے آئی ایس آئی سے پشاور کور میں تبادلے کے بعد سے خان کی حکومت سے ہر ماہ ہونے والی غلطیوں کا احاطہ کرتی ہے، جن کی وجہ سے مشترکہ اپوزیشن اپریل 2022 میں کامیاب عدم اعتماد کی تحریک پیش کرنے کے قابل ہوئی اور جس کی وجہ سے بالآخر عمران خان کو گھر جانا پڑا۔

 یہ کتاب سیاسیات اور تاریخ کے طالب علموں کے لیے ایک ناگزیر مطالعہ ہے جو یہ سمجھنا چاہتے ہیں کہ طاقتور لوگوں کے بہترین ادارہ جاتی منصوبے بھی ذاتی خواہشات کی قربان گاہ پر کس طرح بھینٹ چڑھ جاتے ہیں۔